2020 წლის სექტემბრიდან ორგანიზაცია ‘გადავარჩინოთ ბავშვები’ პარტნიორ ორგანიზაციებთან ერთად – კონრად ადენაურების ფონდი (KAS), სსიპ ‘ახალგაზრდობის სააგენტო’ და ააიპ ‘საქართველოს ახალგაზრდულ მუშაკთა ასოციაცია’ ახორციელებს პროექტს ‘უნარები წარმატებისთვის’ (Skills for Success).
აღნიშნული სამწლიანი პროექტი დაფინანსებულია ევროკავშირის პროექტის – ‘უნარები დასაქმებისთვის” (Skills4Jobs) ფარგლებში და ხორციელდება 5 რეგიონში და 10 მუნიციპალიტეტში.
შერჩეული რეგიონები და მუნიციპალიტეტები:
- გურია → ლანჩხუთი, ოზურგეთი & ჩოხატაური;
- კახეთი → ახმეტა, თელავი & ლაგოდეხი;
- რაჭა → ლეჩხუმი & ქვ.სვანეთიà ამბროლაური & ონი;
- შიდა ქართლი → გორი & კასპი;
- თბილისი.
პროექტი მიზნად ისახავს სამიზნე რეგიონებსა და მუნიციპალიტეტში, ნაკლები შესაძლებლობის მქონე ახალგაზრდების სამეწარმეო, ტრანსვერსული და შრომის ბაზარზე ორიენტირებული კომპეტენციებისა და უნარების განვითარებას, მათ გადაწყვეტილების მიღების პროცესში მონაწილეობის გაზრდას; მობილურ ახალგაზრდულ მუშაკთა მომზადებასა და დასაქმებას; ახალგაზრდული მუშაკის პროფესიის ინსტიტუციონალიზაციის ხელშეწყობას; ახალგაზრებისთვის არაფორმალური და ფორმალურს გარე განათლების ხელმისაწვდომობის გაზრდასა და მათი დასაქმების ხელშეწყობას; მუნიციპალური ახალგაზრდული სერვისების დანარგვა-განვითარებას; ახალგაზდების სამეწარმეო განათლებისა და დასაქმების ეროვნული სტრატეგიის შემუშავებას.
პროექტის ფარგლებში:
- მომზადდება მეწარმეობისა და დასაქმებისთვის საჭირო უნარების ტრენინგ-მოდული;
- შეიქმნება მობილური ახალგაზრდული მუშაკების პროფესიული მომზადების პროგრამა;
- სამიზნე 10 მუნიციპალიტეტიდან მომზადდება 30 ახალგაზრდული მუშაკი;
- დასაქმდება 30-დან 20 ახალგაზრდული მუშაკი, რომლებიც სამიზნე მუნიციპალიტეტებში იმუშავებენ მობილურ ახალგაზრდულ მუშაკებად 2 წლის განმავლობაში და ხელს შეუწყობენ მუნიციპალური ახალგაზრდული სერვისების შექმნა-განვითარებას;
- ჩატარდება ტრენინგის ციკლი 200 ახალგაზრდისთვის (განსაკუთრებული აქცენტი საგანმანათლებლო აქტივობების დროს გაკეთდება კარიერული დაგეგმვის მიმართულებით);
- 500 ახალგაზრდას ჩაუტარდება სამეწარმეო უნარების განვითარების ტრენინგი;
- სამიზნე რეგიონებში შეიქმნება გრძელვადიანი 4 სამეწარმეო ლაბორატორია;
- გაიცემა 60 მცირე გრანტი ბიზნეს იდეების პროტოტიპირებისთვის;
- ახალგაზრდა მეწარმეების გასაძლიერებლად, შეირჩევა 12 ახალგაზრდა სამეწარმეო ელჩი;
- საუკეთესო სამეწარმეო პრაქტიკების გაცნობის მიზნით, Ჩატარდება საერთაშორისო სასწავლო ვიზიტები ახალგაზრდებისთვის, ევროპის ქვეყნებში.
- შესაბამისი მხარეების ჩართულობით, შეიქმნება ახალგაზრდების სამეწარმეო განთლებასა და დასაქმების ეროვნული სტრატეგია და გადაწყვეტილების მიღების პროცესში ახალგაზრდების ჩართულობის მექანიზმი.